Veðurpólítískar athuganir: Niðurstöður.

Sæl, og afsakið hvað ég uppfæri seint og illa, en enginn tekur eftir gæðunum ef magnið er of mikið.

Fólki hættir til að halda að þau geti bara verið til í öfugum hlutföllum, og ég læt það eftir því.

 

Þetta er mitt innlegg í tvö vinsælustu umræðuefnin á vinnustöðum í dag: Veðrið og Ice-Save:

 

5. janúar -dagurinn sem forsetinn synjar lögunum um ríkisábyrgð staðfestingar:

 

 6. janúar -daginn eftir að óvissunni lýkur:

 

 Af þessum gögnum má með sanni álykta annað hvort að:

1) Guð, eða aðrir aðilar sem eru nægilega kröftugir til að stjórna veðrinu, eru á móti lögunum og/eða fylgjandi þjóðaratkvæðagreiðslum.

Eða:

2) Við, sem þjóð, getum stjórnað veðrinu með hugarfarinu.

 

Nánari tilraunir þurfa að fara fram til að geta skorið um hvort svarið er rétt. 

 

Bjarnon?

 Bjó þessa mynd til í smá flippi.

     -Jæja, farinn aftur að læra.

Skal taka þetta að mér...

Eftirfarandi er opið bréf til fjármálaráðherra:

 

,,Ég, Sveinbjörn Geirsson, sem hef nýlega lokið störfum fyrir hið opinbera, get tekið að mér setu í bankaráði Kaupþings. Í ljósi einkaréttarlegs eðlis fyrrverandi starfsstöðvar minnar(þ.e. Áfengis- og tóbaksverslun ríkisins), tel ég mig fyllilega hæfan til að sinna skyldum stjórnarmanns í hvaða misheppnaða ríkisfyrirtæki sem er, sama hve miklum brauðfótum það stendur á.

 

Rennblaut ástarkveðja,

Sveinbjörn G. ''

Gunnar Örn hættir í bankaráði Kaupþings

Kosningar '09: Hver er illskárrstur?

Hvernig er hægt að ætlast til þess að við, álitslausa unga fólkið, myndum okkur skoðun á þessum skamma tíma sem okkur hefur verið gefinn fram að kosningum?

En ekki örvænta, því nú getur þú notað þessa litlu úttekt á helstu stjórnmálaflokkum landsins til að gera upp hug þinn.

-----

Framsóknarflokkurinn(B):

Eiginhagsmunaklíka. Þú kýst þennan flokk ef skyldmenni/vinur/nágranni/viðhaldið þitt er í framboði, og þú veist þú færð eithvað út úr því.

Ekki hafa áhyggjur af stefnumálum, en ef einhver spyr þig um þau, vertu þá sammála öllum athugasemdum eða gagnrýni sem viðkomandi ber upp, en vertu reiðbúin(n) að skella skuldinni á einhvern annan.

Sjálfstæðisflokkurinn(D):

D-ið stendur fyrir ,,Davíð''(Oddsson, enda er hann vinsæll meðal stuðningsmanna hans). Fólk kýs þennan flokk af sömu ástæðu og það byrjar að reykja: Foreldrar þeirra gera það, vinir/kunningjar þeirra gera það, og það trúir því ekki að það sé skaðlegt.

Ef þú villt kenna einhverju stjórnmálaafli um ástand efnahagsmála, þá er þessi flokkur vinsæll kostur.

Frjálslyndiflokkurinn(F):

Lyklabarn íslenskra stjórnmála. Ef þú ert offitusjúklingur eða léleg(ur) í stærðfræði þá skaltu kjósa þá.

Annars er best að lýsa þessum flokki sem framsóknarflokksútgáfu af Sjálfstæðisflokknum, ef þú getur ekki gert upp á milli (B) og (D), veldu þá þennan flokk.

 Samfylkingin(S):

 Þetta er flokkurinn sem vill að þú gleymir að hann hafi verið í ríkisstjórn þegar bankahrunið skall á, en ef það vill svo til að einhver minnir þig á það, þá reynir hann gera eins lítið úr því og honum er unnt:

,,....ekki eins og við höfðum getað haft áhrif á lagasetningu einhvern hátt.....

....eða að seðlabankastjóri hafi setið í okkar umboði......

.....ég meina kommon! Plís! Samfylkingin var í útlöndum þegar þetta gerðist! Spyrjið Ingibjörgu bara!''

Vinstri grænir(V):

Ef þú ert undir 25 ára og uppreisnargjörn/gjarn þá er þetta flokkurinn fyrir þig. Ef þú átt íhaldsama ættingja og villt vera örlítið ögrandi í næstu skírnarveislu, brúðkaupi eða hvaða fjölskyldusamkomu sem er, vertu þér þá út um barmmerki frá þeim og byrjaðu að skera þig úr hjörðinni. Tilvalinn kostur hvort sem þú ert dökkur sauður sem vill vera svartur eða bara á síðgelgjunni.

Aðalstefnumál flokksins er að Sjálfstæðisflokkurinn hafi rangt fyrir sér, og hann hafi dregið Ísland í siðferðislegt/fjárhagslegt þrot. Síðan þykist hann geta sýnt fram á að virkjanir séu á einhvern hátt óumhverfisvænar, en sú óskiljanlega röksemdarfærsla fölnar reyndar í samanburði við sumt af því sem að hinir flokkarnir reyna að halda fram.

 

,,Gæti talist"? -Spilling!

Ég undrast oft yfir því hve varlega fjölmiðlar geta orðað hlutina, það er engu að síður skiljanlegt í ljósi trúverðugleika(við getum ekki öll verið DV), og svo ekki sé minnst á hugsanlegar meiðyrðismálsóknir.

 

Engu að síður þá trúi ég því ekki að fólk skuli vera svona barnalegt.

Að kalla Framsóknarflokkinn eiginhagsmunaklíku er álíka satt, og grátlegt, og að kalla mig rauðhærðann.

Gæti talist mútuþægni

Fórnarkostnaður atvinnuleysis.

Reiði? Sú tilfinning sem ég fann helst fyrir, eftir að hneykslunin sem uppsögnin olli mér var horfin,  var gleði!

 

Ímyndið ykkur að þið séuð með 167 þús. kr. á mánuði (í dagvinnu) og þið púlið ykkur upp í þessar rúmu 200 þús. kr. sem eru ,,nauðsynlegar'' miðað við verðlag.

Lágmarksatvinnuleysisbætur eru rúmar 150 þús. kr. á mánuði.

 

Þetta þýðir að hinn raunverulegi fórnarkostnaðurinn við að njóta lífsins, án þess að láta undan materíalismanum, er ekki nema (+/-) 17 þús. kr. á mánuði.

Svo sannarlega ástæða til að gleðjast, ekki satt?

 

Reiðin brýst út